مابعرف اليوم كانت الحلقة من هاد المسلسل كتير مؤثرة مع انو انا نادر لإتأثر بالدراما
لانو اصلا مابحب التلفزيون
بس خطر ببالي سؤال(مع علامة ااستفهام عملاقة)
ياترى اللي عملتو بثينة (بالمسلسل) عار؟ ويلي ممكن نشوفو بكتير من إسر مجتمعنا للأسف لو مو بنفس الطريقة بس بنفس الإتجاه ونفس النتيجة !
ولا العار انو مافي حنية عالضعيف عنا ووقت بتوقع البقرة بتكتر سكاكينها ؟؟
ولا العار موظف عم يرتشي ؟؟
ولا العار رجال يقتل مرتو ليتجوز ؟؟
ولا العار طبيب يشتغل بلا ضمير بس لتجميع العملة (الله لايشبعو)؟؟
ولا العار ندوس على اقرب الناس إلنا والمهم نوصل لمصلحتنا وغايتنا يلي بأغلب الأحيان رح تكون اتفه من الشي اللي عم نعملو لانو مالها غاية نبيلة (متل مابيسموها) ؟؟
ولا العار انو ما نقول لبعض مرحبا إلا بشي تعزاية (وبغير أوقات اذا شفنا حدا بالشارع مانسلم عليه) ؟؟
ولا العار وحدة تترك جوزها وولادها لانو اجاها عريس ادسم (الله لايردها) ؟؟
وين العار قلولي؟؟؟
ولا العار بس كلمة ملزوئة بالضعفا واللي مالون حيلة ؟؟!!
العار هو العار والئرف اللي عم نشوفو كل يوم بس ساكتين عنو لانو ضهرنا محمي او ضهر اللي عم يعمل عار محمي …
كلنا شركاء بهاد العار من قريب ولا من بعيد
ولازم نعيد النظر الف مرة قبل ما نصدر الاحكام اللي مالها طعمة ……….
أودعناكم
لاتواخذونا
حكو معنا مو علينا