كتير بيتكرر معي هالموقف انو حدا يسألني إنت شو طايفتك؟ (يمكن لانو مابيبين علي من انو طايفة, او يمكن لانو بتبع كل الطوايف)
وبكون جوابي دائما : انا مابعترف بالطوايف حابب تسميني من هي الطايفة مو مشكلة حابب تحطني بغير طايفة مو مشكلة انا شغلة الطوايف ما كتير بتأثر معي
لاني بعمل الشي اللي مؤمن فيه بغض النظر من وين جايه ومن مين جايه
بجوز انسان كلو على بعضو ما يعجبني بس يطلع بفكرة تناسب تفكيري قوم طبقها وامشي عليها لانو وافقة عقلي
بعدين انا شو دخلني بخلافات صارت من مدري كم مية سنة على خلافة او ماشابه ذلك, أنا الرجل المؤمن بحترمو مين ماكان ومن اي طايفة او ملة كان لانو بالنهاية انسان
بعتز بديني كتير ومابفرء بين الطوايف وما بحس بحالي بفضل طايفة عن التانية او منتمي لوحدة معينة بدون البقايا, بس بالوقت ذاتو وقت بسمع واحد عم يحكي وعم يفتي بقتل طائفة معينة او بتجنب التعامل مع طائفة اخرى وبحاول بالهشي زرع الفتنة هون ما بيعود بيحملني عقلي بحس انو انا الغلطان انو ضليت عم اسمعو
عالتلفزيون هالريمونت كونترول كتير راحمنا وقت بشوف واحد متل هاد دغري بكبس على غير محطة, بس اذا حدا قاعد معك بالقهوة ومسيبس راسو بفكرة معينة (اجلكم الله) وانو هو طايفتو نازلة من السما ومن هالحكي بندم عالساعة اللي شفتو فيها وبتمنى يخترعو شي ريمونت كونترول يطرو من وشي!
يمكن صار لازم نتطلع لابعد من هيك(ويمكن تأخرنا) نحنا عم نقاتل بعضنا والحسود عم يتفرج من برا علينا وفارط ضحك بعبو لانو وصلان للي بدو ياه
خلينا نكبر عقلنا شوي ونطلع عالقليلة لفوء شوي فوء الهوا انضف
وبهالمناسبة
أنت من أي طائفة !!!!!!!!!!
هو طبعا مو شي غريب السؤال عن الطائفة علما أنه أنا ولا مرة حدا سألني هالسؤال
أحيانا بيكون السؤال مجرد فضول مو أكتر
بس الغريب لما بيقيمك أحدهم على أساس أنت من أي طائفة
بيبقى إني قول شي كلنا متفقين عليه أنه أي شخص بيتميز عن الآخر بإنسانيته مو بديانته أو طائفته أو جنسيته أو قوميته
شكرا شي ناهي على طرحك المميز
هاد حكينا
انو التقييم عم يصير على اساس الطايفة احيانا
بعين الله
الله يهديهون
آخ يا زلمة والله قصة الطوائف مشكلة كبييرة , يعني شو بيهمني مثلا اذا كان من طائفتي او غيرها طالما محترمني وانا محترمو بنفس الوقت , لك اي والله حاج رجعية وتخلف
شكرا وتقبل مروري
في حدا عم ينكش لنرجع لورا
من ورا هيك تفاهات
والعلة , انو عم نرجع لورا
مية هلا نسمات