كنلي شغلة بوزارة (تم حذف اسم الوزارة من المراقب العام) ولبين ماوصلت لعند الموظف المسؤول او لبين ما اكتشفت مين الموظف المسؤول على قولة ريم (ذهابا و ايابا وكل واحد بيشلفك و بيقلك مو عندي ..)
صفينا انا والموظف لحالنا بقمع راسنا (يعني مافي مراجعين ينطوطو فوء راسي)
قلتلو بكل لباقة واحترام (ان شاء الله بحترمو) شفلي هالمعاملة اخي شو بدها لكملها وجبلك ياها براسي (لانو عرفان مسبقا ً انو رح يقلي ناقصها طابع مثلا او توقيع او اللذي منو)
مسك هالمعاملة هيك وقبل مايفتحها اتطلع علي من تحت النضارة بطريقة مرعبة شوي , والله هداه وفتح المعاملة اتطلع عليها وقلب بوراقها
قلي معاملتك كاملة مو ناقصها شي (انا بقلبي رح طير من الفرح ماصدقت حالي وقلت لسه الدنيا بخير وحسيت حالي لازم نط بوسو للموظف بس ماعملتها خوفا من شي مراجع يطب فجأة!!)
المهم مالكون بطول السيرة
قلي خلص خليها عندي ورجاع بعد شهر زمان بتكون خالصة
قلتلو شهر زمان؟؟؟ مو هلئ قلتلي انو معاملتي كاملة ؟
قلي اي صح , بس هي اجرائات روتينية لابد منها
قلتلو اجراءات روتينية بدها شهر؟ (وطبعا ماتت الفرحة وبلش وشي يحمر ويخضر)
قلي بدك من الاخر؟
قلتلو لك اي من الاخر الله يجبرك
قلي بكل برودة اعصاب وثقة بالنفس إنت مين واسطتك؟؟
قلتلو والله انا ماعندي واسطة, واسطتي الله
قلي اي كل اللي واسطتون الله بتضل معاملتون شهر متلك متل غيرك !!!!!!!!!!!!
زكرتني بحالي
بهالعالم المادي ما بيفهمو غير بباكيت حمرا او علبة متة او مصاري يابسة بالدرج بتحطها لوحدك هوة حالف ما بياخد شي بإيدو
بقى انت دز هالقرشين بالدرج وشوف كيف الشهر بصير دقائق
والله هيك كنت لازم ساوي بس حسيتو مابيستاهل
بعتلو واسطة
والله شيء غريب
لاغريب ولاشي
هاد اللي عم يصير
للاسف