بيقلولك لايصح إلا الصحيح
بس سامحونا هالمتل غلط
وقت بكون المتعلم سعرو بسعر الجاهل معناها هالمتل غلط
وقت خريج الجامعة بعد التخرج بتكون شغلتو كش الدبان معناها هالمتل غلط
وقت بتلاقي مدرس جامعة مامعو ياكل متل العالم معناها هالمتل غلط
وقت بتصير ال25 ,500 بفضل قانون السير الجديد معناها هالمتل غلط
ووقت بتشوف ميات من اهلك عالتلفزيون عم يموتو بغزة وبغيرها وعلى نفس المحطة في سباق لأجمل ناقة معناها هالمتل غلط
وقت بيكون أخوك عم يموت من جوعو وإنت عم تموت من التخمة معناها هالمتل غلط
وقت بتكون بوشين ومالك عنتر إلا على اهل بيتك معناها هالمتل غلط
وقت معلمك بحسابك عالليرة وهو مو ملاقي مين يحاسبو عالليرات معناها هالمتل غلط
وقت بتحط إسمك بمكتب العمل وبعد 5 سنين بتراجعون لتلاقي إنو لسه ما وصل دورك معناها هالمتل غلط
ووقت بتعمل جهدك بشي مهمة ومابتلاقي نتيجة لانو النتيجة محسومة مسبقا ً معناها هالمتل غلط
وشو بدي إحكلك لإحكيلك
بس بالنهاية لا يصح إلا المو صحيح
حكو معنا مو علينا